لاتكلمتي كلمات : محمد مسعـود
لا تكلمتي ولا سمعتك
لا اشتريتيني ولا بعتك
الذنب ذنبك ولا ذنبي ذنب مين.
داريت عن عيني احلامي
وخوفت تباني في منامي
وخليتك هنا في قلبي
ولا سمعتك ولا ضحكتي
ولا بحبي انا عرفتي
دا ذنب مين ذنب مين
عرفنا بعضنا فينا
وتوهنا بس في عنينا
وفوقنا لقينا مركبنا
شراعها واخدنا عالمينا
وودعتيني ونزلتي
ومن يومها وانا لسي
اسير حيرتي
لاانا راضي اعيش ع البر
ولا راضي اسيب شطي
كفايه علي افتكرك
واشوف صمتي مع صمتك
صحيح اخلصتلك عمري
وبصمتي خلاص انا خسرتك...........
الوضع الحالي..
كلمات :محمد مسعود
ياد يااهبل فضفض مالك .
احكيلي ياواد احوالك
محتار في رزق عيالك؛
دي الدنيا ياواد جيالك .
ربك راح يفرجها
ومراتك راح تخرجها
..................
هاتجيب لدا كلو منين
مالك قالب وحزين
مش عارف ال تتصرف
ما معكش فيزا يامقرف
ممكن بالبيه نتعرف
..................
ماتكونش ياواد مسكين
قوم فز وقولي منين
قام رد وقالي يابيه
مرتبي مليون جنيه
مش عارف اصرف
وفي ايه.
عدلت أنا بدله قديمه
وكأني علي القيمه
قولتلو مامعكش جنيه
في الجنه هاردو يابيه
قام رد وقالي ياطيب
أقعد جنبي هنا قريب
يمكن يفرجها علينا
ترتاح الروح منينا
غمضت .سألني مالك
محتار في رزق عيالك